Канспект інтэгрыраванага занятка па разглядванню карціны
І.Л. Савіцкай "Залатая восень" у рознаўзроставай групе
(дзеці ад 4 да 6 гадоў жыцця)
Рабцэвіч Марына Аляксандраўна,
выхавальнік дашкольнага выхавання
Задачы:
- сфарміраваць ўяўленні дзяцей ад 5 да 6 гадоў разглядаць рэпрадукцыі карціны і бачыць вобраз пейзажу ў адзінстве яго зместу і сродкаў выразнасці;
- развіваць у дзяцей ад 4 да 5 гадоў мастацкае ўспрыманне, здольнасць бачыць і адчуваць прыгажосць восеньскай прыроды, абуджаць у дзяцей добрыя і светлыя пачуцці;
- выхоўваць у іх любоў да прыроды.
Папярэдняя работа: назіранне на прагулцы за восеньскімі зменамі ў прыродзе, сузіраньне ілюстрацыі пра восень, развучванне і чытанне вершаў, складанне восеньскіх кампазіцый.
Дыдактычны матэрыял: грамзапіс Ф.Шапэн “Восеньскі вальс” і Люсенка “Лісцік, лістапад”, карціна І.Л.Савіцкай “Залатая восень”, мальбэрт, куфэрак, ваза, засушаныя лісця.
Ход навучальнага занятку
Гульня – прывітанка "Ці ўсе ёсць?"
Ці ўсе, дзеці, ёсць?
Усе! Ёсць тут я, ёсць і вы. (Паказваюць пальцамі на сябе і на іншых).
Вітаю вас !
I мы вітаем вас!
Пачынаем справы, бо ўжо час.
Раз, два, тры (пляскаюць у далоні).
Добры дзень, паважаныя госці!
Выхавальнік: - Деці, сёння ў нас незвычайны занятак. Мы ўспомнім ўсё тое, што ўжо ведаем пра восень і што яшчэ новае можна пазнаць пра яе. Згодны?
Паслухайце калі ласка цудоўныя радкі паэта Сяргея Новіка-Пяюна
Восень, восень залатая
Сее радасць на зямлі,
Хмарка ў сінім небе тае,
Мкнуць у вырай жураўлі.
Ніткай срэбнай павуцінне
Ў косах сонейка блішчыць.
Што за цуднае зіхценне!
Што за ціш вакол стаіць!
Я іду лясною сцежкай,
Як па мяккім дыване.
Восень з ветлівай усмешкай
На спатканне выйшла мне.
Ярка, хораша прыбрала
Ўсюды дрэвы і кусты
I зямлю памалявала
Ў колер жоўта-залаты.
Выхавальнік: - Пра якую пару года гаворыць паэт у гэтым вершы?
Дзеці (па жаданню): - У вершы гаворыцца пра восень.
Выхавальнік: - Так, пра восень, а як вы здагадаліся?
Дзеці: – У вершы гаворыцца пра жоўта-залатыя лісты, якія апалі; пра жураўлі, якія паляцелі ў цёплы край; пра павуцінне, якое лятае. Усё гэта адбываецца восенню.
Выхавальнік: - А што вы ведаеце яшчэ пра восень? Назавіце асеннія месяцы.
Дзеці (па жаданню): - Восень мае тры месяцы: верасень, кастрычнік лістапад.
Выхавальнік: - Акрамя месяцаў восень можна падзяліць яшчэ на перыяды. Мы з вамі разглядалі неаднаразова ілюстрацыі пра восень. Старшыя дзеці успомняць і назавуць іх, а младшыя паўтораць.
Дзеці (ад 5 да 6г.): - Восень яшчэ называюць ранняй, залатой і позняй.Дзеці (ад 4 да 5г.) паўтараюць перыяды.
Выхавальнік: - Дзеці, восень бывае рознай. Восень - :пара!
Сюрпрызны момант. Прыход восені (гучыць музыка І.П. Чайкоўскага “Поры года”). - Добры дзень, дзеці. Добры дзень, госці. Вось я і завітала ў вашу вёсачку, у ваш дзіцячы сад. Я даведалася, што вы шмат ведаеце пра мяне.
Выхавальнік: - Так, нашы дзеці ведаюць шмат вершаў пра восень. Спачатку вершы раскажуць младшыя дзеці, а потым старшыя.
Дзеці ад 4 да 5-гадоў
1. «Едзе восень» Валянцін Рабкевіч
Змоўкла наваколле,
Лес адгаманіў
Едзе восень полем
На рабым кані.
2. “Восень”Янка Журба
Шумяць па-асенняму
Пушча і бор
На дрэвах, кустах
Залацісты ўбор.
Дзеці ад 5 да 6-гадоў
1.Авяр’ян Дзеружынскі
Неба зацягнула шэраю хмарай
Холад і вецер, слюкотата.
Сталі бязлюднымі лесу абмары,
Голыя дрэвы, на іх ні ліста.
2. Ірына Багдановіч
Восень абсыпала дрэвы
Жоўтым прыгожым лістком,
Восень сабрала пасевы
З поля пагодным дзяньком,
Леанід Дайнека
3.Зранку вецер дзьме сярдзіты
Гнуцца мокрыя ракіты
Птушак болей не чутно.
Хвошча дожджык у акно
Апусцелі усе палі,
Ходзіць восень па палі.
“Восень залатая” Сяргей Новік-Пяюн
4.Я іду лясною сцежкай
Як па мяккім дыване.
Восень з ветлівай усмешкай
На спатканне выйшла мне.
Ярка, хораша прыбрала
Усе дрэвы і кусты
І зямлю памалявала
У колер жоўта-залаты.
“Восень залатая” Сяргей Новік-Пяюн
5. Восень, восень залатая
Сее радасць на зямлі,
Хмарка ў сінім небе тае,
Мкнуць у вырай жураўлі.
«Лістапад» Янка Купала
6. З буйных ліп і бяроз лісты валяцца.
Між павалаў і лоз рассыпаюцца.
Шапацяць, шалясцяць залацістыя,
Ўвысь галінкі глядзяць пусталістыя.
Восень: - Дзеці, якія ж вы малайчынкі. Бачу, вы шмат вершаў ведаеце пра восень!
Выхавальнік: - Паважаная восень, - паэты і пісьменнікі дзіўна выказваюць свае думкі аб восені і перадаюць прыгажосць восені з дапамогай слова.
Восень: - Дзеці, а вы любіце гуляць?
Дзеці: - Любім.
Восень: - Я прапаную вам гульню “Закончы сказ”, дзе мы разам паспрабуем вызначыць, за што восень вам падабаецца і за што не падабаецца (перадае кляновы лісток па крузе ўсім дзецям).
Выхавальнік: - Давайце паспрабуем. Вось напрыклад: Восень мне не падабаецца за тое, што на вуліцы слякота.
Дзеці: - Восень мне не падабаецца за тое, што ідуць часта дажджы.
Дзеці: - Восень мне не падабаецца за тое, што вые вецер уначы і г.д.
Выхавальнік: - А цяпер давайце вызначымтое. За што нам падабаецца восень.
Дзеці: - Восень мне падабаецца за то, што дзеці ідуць у школу вучыцца.
- Восень мне падабаецца за тое, што на дрэвах рознакаляровыя лісточкі.
- Восень мне падабаецца за тое, што ў лесе шмат грыбоў.
- Восень мне падабаецца за тое, што на балоце шмат журавін.
- Восень мне падабаецца за тое, што сабралі багаты ўраджай.
- Восень мне падабаецца за тое, што яна натхняе мастакоў пісаць карціны, паэтаў ствараць вершы, а кампазітараў на музычны лад.
Выхавальнік: Што можна сказаць пра восень, якая яна?
Дзеці: Залатая, сумная, прыгожая, рознакаляровая, цёплая, халодная, дажджлівая, багатая, ціхая.
Восень: - Як цудоўна ўсё гаворыце пра мяне, але мне трэба далей ісці па вёсачкам і другім дзіцячым садкам. На памяць аб сабе я прынесла вам падарункі. Выхавальнік і дзеці дзякуюць. Восень развітваецца.
Выхавальнік: Хочаце даведацца, што ж нам восень падарыла?(там карціна і куфэрак). Карціну прымацоўвае на мальберт, а куфэрак ставіць на столік.
- Давайце мы разам паспрабуем разгледзець яе. Хто ж гэтую карціну стварыў?
Дзеці: - Мастакі.
Выхавальнік: - А як мастакі могуць выразіць свае думкі пра восень.
Дзеці: – Намаляваць карціну.
Выхавальнік: - Дзеці, трэба гаварыць, што мастакі пішуць карціны. Мастакі прыгажосць восені перадаюць фарбамі на палатне. Мастаку патрэбна адлюстраваць на палатне тое, што ён бачыць у прыродзе, што вызвала ў яго радасць, здзіўленне, або сум. Ён павінен намаляваць так, каб мы пазналі і дрэвы, і кусты. і рэчку. З дапамогай фарбаў ён можа перадаць пару года, свой настрой.
- А што патрэбна мастаку для работы.
Дзеці:: Фарбы, палатно, мальберт і пэндзлік.
Выхавальнік: - Перад намі рэпрадукцыя карціны І.Л.Савіцкай “Залатая восень” . Залатая восень захапляла і цешыла мастака. Давайце ўважліва разгледзім карціну. Што цікавага, прыгожага ўбачыў мастак?
Дзеці: - Лес, луг, дарогу і лужы.
Выхавальнік: - Паглядзіце , у левай частцы карціны, бліжэй да нас, на пярэднім плане мастак намалявай некалькі дрэў. Што гэта за дрэвы? (Паказ выхавальніка)
Дзеці:: - Хвоя, клён.
Выхавальнік: - Разкажыце, што адбываецца з гэтымі дрэвамі?
Дзеці:: - З дрэў ападае лісце, жоўтага і чырвонага колера.
Выхавальнік: - Так, а што мастак адлюстраваў на правым баку карціны?
Дзеці:: - Таксама дрэвы.
Выхавальнік: - Вы здагадаліся, што гэта за дрэва?
Дзеці:: - Так, гэта рабіна. На ёй ёсць чырвоныя ягады, таксама ападае лісце.
Выхавальнік: - Што вы бачыце пасярэдзіне карціны?
Дзеці:: - Я бачу дарогу, лужы, лес, бярозку.
Выхавальнік: - Якога колеру вада ў лужах?
Дзеці:: - Бліжэй да нас яна блакітная, а ўдалечыні - бурая.Каля дарогірасце бярозка. Яна тоненькая, з белым ствалом. На ёй жоўтая лістота.
Выхавальнік:- А яшчэ далей, на далёкім плане, што бачна?
Дзеці:: - Мастак адлюстраваў лес.
Выхавальнік:- А лісточкі там бачныя?
Дзеці:: - Не.
Выхавальнік: - Сапраўды, не бачныя, бо дрэвы далёка, таму мастак намаляваў іх вышэй, чым тыя дрэвы, якія мы бачым на пярэднім плане.
Выхавальнік:- А якога колеру трава на лугах?
Дзеці:: - Яна карычнявата-зялёная, зелянява-карычневая, жаўтлявая, бурая. Да канца лета трава ад сонейка падсохла. Дзякуючы гэтым адценням мы бачым, што гэта восень.
Выхавальнік: - А якога колеру мастак адлюстраваў неба?
Дзеці:: - Неба блакітнае, з лёгкімі белымі воблачкамі
Выхавальнік:- Ці ёсць на карціне сонейка?
Дзеці:: -На карціне ёсць сонейка, але яно ўжо не так ярка свеціць як улетку.
Выхавальнік: - А што яшчэ акрамя сонейка вы бачыце?
Дзеці:: - Птушак, якія ляцяць у вырай.
Выхавальнік: - А што гэта за птушкі?
Дзеці:: - Жураўлі, яны ляцяць у цёплы край.
Выхавальнік:- Якая тут намалявана восень?
Дзеці:: - Рознакаляровая, прыгожая, прыбраная.
Выхавальнік: -Як вы думаеце, як мастак назваў сваю карціну?
Дзеці:: - Залатая восень.
Выхавальнік:- Так, мастак назваў гэтую карціну «Залатая восень. А як вы думаеце, чаму ён назваў яе «залатая»?
Дзеці:: - Лісты жоўтыя і аранжавыя, трава бура-жаўтаватая.
Выхавальнік: - Якія колеры ён выкарыстаў?
Дзеці: - Шмат жоўтых, аранжавых фарбаў.
Выхавальнік:- Гэтыя колеры можна назваць цёплымі, радасным і вясёлымі.Залатая восень захапляла і цешыла мастака.
Гульня з чароўнай палачкай. Пападанне ў карціну. (даць магчымасць старшым дзецям самім расказать па карціне, а младшым паўтарыць)
Лічылка.
Лісце кружацца па крузе,
Раз, два, тры, чатыры, пяць!
Усміхнемся мы адзін аднаму,
І хутчэй пачнем гуляць!
Выхавальнік: - Сёння мы паслухалі вершы пра восень, гучала музыка пра восень, паглядзелі карціну мастака І.Л. Савіцкай. А зараз паслухайце кароткія звесткі пра жыццё мастачкі. З дзяцінства мастачка любіла свой край, бегала ў поле, лес, любавалася прыродай, заўважала якая яна, калі прасыпаецца вясною, як на палях і лугах расцвітаюць першыя кветкі, вельмі любіла слухаць спевы птушак у лесе. Будучы ўжо дарослай, брала с сабою палатно, фарбы і малявала да позняга вечара. Аднойчы на яе зрабіў ўражанне осенні лістапад і такім чынам з’явілася “залатая восень” Дзеці вы разглядзелі рэпрадукцыю карціны, паслухалі разказ аб мастаку. Цяпер вы знаеце, што карціну можна напісаць фарбамі, словамі, гукамі.
Выхавальнік: -Вось як можа расказаць мастак пра тое, што яму спадабалася. Прырода на карціне здаецца такой радаснай, прыбранай, цёплай, светлай і нават ўрачыстай.Давайце гэтую выдатную рэпрадукцыю карціны змесцім у нашай групе, каб любавацца яе прыгажосцю. (Карціну разам памяшчаюць у рамку і вешаюць у куток прыроды).
Выхавальнік: - Намвосень аставіла куфэрак, але куфэрак не адчыняецца. Што рабіць? А тут загадка. Калі адгадаць загадку, то напэўна і куфэрак адчыніцца.
Загадка.
Пад нагамі ляжаць,
Пакрочыла - шастаюць,
Яркія, каляровыя,
Краёчкі разьбяныя. (Лісточкі)
Выхавальнік: Вось і сундучок адкрыўся. Адкрываюць сундучок, а там восеньскія лісцікі. А што можна з імі зрабіць?
Дзеці. Пагуляць, патанцаваць, (Бяруць любыя лісцікі)
Выхавальнік: - Давайце, дзеці, успомнім песню пра восень і станцуем з лісточкамі.
Выхавальнік(пасля танца): - Як цудоўна! Менавіта восень – тая пара года, якая натхняе кампазітарў ствараць музыку.
Выхавальник: - Скажыце, што вам спадабалася на занятку? (Адказы дзяцей поўнымі сказамі). Дзеці, мне вы таксама сёння ўсе спадабаліся, былі дапытлівыя, добра чыталі вершы, падбіралі прыгожыя словы пры апісанні карціны, гулялі.
разгарнуць » / « згарнуць