У нашым дзіцячым садку працуе творчы гурток "Майстэрня чараўніка". Праца гуртка "Майстэрня чараўніка" накіравана на агульнае развіццё дзіцяці і змяшчае заданні розных відаў з рознымі матэрыяламі. Гуртковая праца праводзіцца 1 раз на тыдзень у другой палове дня. Гурток разлічаны для дзяцей ад 4 да 6 гадоў.
Мэта гуртка:
Развіццё ў дзяцей творчых здольнасцей шляхам стварэння вырабаў з выкарыстаннем розных матэрыялаў і абсталяванняў, іх свабоднае прымяненне ў гульнях і творчай дзейнасці.
Задачы гуртка:
1. Вучыць спосабам стварэння самастойных прадметаў і вырабаў, заахвочваць варыятыўнасць і нестандартнае рашэнне асобных задач.
2. Фарміраваць тэхнічныя ўменні і навыкі ў працы з разнастайным матэрыялам, у тым ліку - нестандартным.
3. Развіваць у дзяцей дробную моторыку, пачуццё прапорцыі, гармоніі колеру, пачуццё кампазіцыі і рытму.
4. Ажыццяўляць працу з улікам індывідуальных інтарэсаў, схільнасцей дзяцей.
5. Выхоўваць у дзяцей цікавасць да мастацкай ручной працы, фарміруючы вобразнае ўяўленне ў дзяцей, выхоўваючы і развіваючы іх творчыя здольнасці.
Дзеці ахвотна наведваюць гурток, ім вельмі цікава працаваць з розным матэрыялам. У дзяцей развіваецца дробная маторыка пальцаў; выхоўваецца уседлівасць і самастойнасць. Вырабы, зробленыя рукамі дзяцей, выкарыстоўваюцца для гульняў, для ўпрыгожвання групы, а таксама іх прымяняюць у якасці падарункаў.